KUTOFAUTIANA MAJINA YA WANAFUNZI WA YESU

Kuna aina nne tofauti za orodha ya wanafunzi wa Yesu zinazotajwa katika biblia. Wakati mwingine majina yao yanatofautiana katika 

mpangilio, lakini hili si tatizo kwa sababu bado majina hayo 

yanabaki yanaonesha kuwa ni wanafunzi 12. Katika Mathayo, Marko na Luka majina ya wanafunzi yako 12 isipokuwa kitabu cha Matendo ya Mitume kina jumla ya wanafunzi 11 tu. Hii ni kwa sababu Yuda Iskariote aliyemsaliti Yesu alikuwa amekwisha kufa hivyo hakuorodheshwa. Matendo 1:21-26 inaonesha jinsi Mathiya alivyowekwa kukamata nafasi ya Yuda Iskariote na wakawa wanafunzi 12 tena.

Kama unavyoona katika orodha hapo chini, wanafunzi wa Yesu waliorodheshwa kwa kufanana isipokuwa mmoja tu ndio analeta mkanganyiko kwa wengi, ambaye anaonekana sehemu moja na sehemu nyingine haonekani. Katika Mathayo na Marko tunamuona Thadayo lakini katika Luka na Matendo hatumuoni. Pia katika Luka na Matendo tunamuona Yuda mwana wa Yakobo ambapo haonekani katika Mathayo na Marko.

Thadayo na Yuda mwana wa Yakobo ni jina la mtu mmoja. Kwa kuwa Yuda mwana wa Yakobo alikuwa akichangia jina moja na Yuda Iskariote aliyemsaliti Yesu, kuna uwezekano mkubwa aliitwa Thadayo ili kuwatofautisha.

Ni kawaida katika biblia kukuta mtu ana majina mawili au zaidi. Kwa mfano katika Matendo 1:23 tunamuona mtu mmoja aliyeitwa Yusufu aitwaye Barsaba, aliyekuwa na jina la pili Yusto.

Hii hapa ni orodha ya wanafunzi wa Yesu 

Mathayo 10:2-4	Marko 3:13-19	Luka 6:12-16	Matendo 1:13-14
1.      Simoni  (Petro)	Simoni  (Petro)	Simoni  (Petro)	Simoni  (Petro)
2.        Yakobo wa Zebedayo   3.      Yohana nduguye Yakobo	Yakobo wa Zebedayo Yohana nduguye Yakobo	Yakobo wa Zebedayo Yohana nduguye Yakobo	Yakobo wa Zebedayo Yohana nduguye Yakobo
4.      Andrea	Andrea	Andrea	Andrea
5.      Filipo	Filipo	Filipo	Filipo
6.      Bartholomayo   7.      Mathayo	Bartholomayo Mathayo	Bartholomayo Mathayo	Bartholomayo Mathayo
8.      Tomaso	Tomaso	Tomaso	Tomaso
9.      Yakobo wa Alfayo	Yakobo wa Alfayo	Yakobo wa Alfayo	Yakobo wa Alfayo
10.  Thadayo	Thadayo	-------------------	-------------------
11.  Simoni Mkananayo	Simoni Mkananayo	Simoni Mkananayo	Simoni Mkananayo
12.  Yuda Iskariote	Yuda Iskariote	Yuda Iskariote	Nafasi hii ilikamatwa na Mathiya baada ya Yuda Iskariote kufariki
--------------------	--------------------	Yuda wa Yakobo	Yuda wa Yakobo

Pakua App Ya Injili Halisi -Bofya Hapa

HII NI INJILI HALISI MINISTRY, KWA MAWASILIANO +255 621 261 295