SOMO: NINYI NI BORA KULIKO NDEGE

 

Na Ev. Zachary John Bequeker

Ndege wa angani hawapandi wala
hawavuni lakini Bwana huwalisha hao              

MATHAYO 6:26 “26 Waangalieni ndege wa angani,
ya kwamba hawapandi, wala hawavuni, wala hawakusanyi ghalani; na Baba yenu wa
mbinguni huwalisha hao. Ninyi je! Si bora kupita hao?”

Mungu anafuatilia maisha yao yote warukapo, watuapo hakuna
wa kusahauliwa

MATHAYO 10:29-31 “29 Je! Mashomoro wawili
hawauzwi kwa senti moja? Wala hata mmoja haanguki chini asipojua Baba yenu;30
lakini ninyi, hata nywele za vichwa vyenu zimehesabiwa zote. 31 Msiogope basi;
bora ninyi kuliko mashomoro wengi.”

Ndugu yangu katika Bwana, fahamu kwamba wewe ni wa thamani
kubwa mbele za Mungu kuliko ndege

Mungu anajali maisha yako yote. Mtumaini yeye hakika
atakupigania

LUKA 12:24 “24 Watafakarini kunguru, ya
kwamba hawapandi wala hawavuni; hawana ghala wala uchaga, na Mungu huwalisha.
Bora ninyi mara nyingi kuliko ndege!”

Kwanini sasa ndugu yangu, unasumbuka na kuhangaika? Hata
sasa umesahau kwamba Mungu ana uwezo wa kuangalia mambo yako ? kumbuka yeye
ndiye aliyekuumba. Mateso yako yote ameyaona na anataka ayaondoe.

Je, ni mateso katika ndoa, biashara, kazi, elimu?

Je, umeomba mme/mke kwa muda mrefu na haujapata hadi umekata
tamaa na unawaza kuanguka dhambini.

Adui(Shetani) ambaye ametega mitego katika maisha yako ili
akunase kama ndege, Mungu ameiona mitego hiyo yote ya adui katika afya yako,
biashara yako, huduma yako, sasa anaenda kuitegua na kukuweka huru.

Kumbuka kuwa wewe ni wa thamani kuliko ndege .

MAWASILIANO: +255625966236 / +255758590489 /
+255673590489 

  Email:
zacharybequeker@gmail.com       

  KWA
MAFUNDISHO ZAIDI TEMBELEA BLOG HII: www.zakachekainjili.blogspot.com         YOUTUBE: Zachary John Bequeker    

Facebook: INJILI HALISI MINISTRY

Pakua App Ya Injili Halisi -Bofya Hapa

HII NI INJILI HALISI MINISTRY, KWA MAWASILIANO +255 621 261 295