WAJIBU WA KUYASAHAU YALIYOPITA NA KUYACHUCHUMILIA YAJAYO

Mkewe Lutu baaada ya kuikumbuka Sodoma na kugeuka nyuma.

               WAFILIPI 3:12-13 "Si kwamba nimekwisha kufika, au nimekwisha kuwa mkamilifu; la! Bali nakaza mwendo ili nipate kulishika lile ambalo kwa ajili yake nimeshikwa na kristo Yesu. Sijidhanii nafsi yangu kwamba nimekwisha kushika; ila natenda neno moja tu; nikiyasahau yaliyo nyuma, nikiyachuchumilia yaliyo mbele” .

Mpendwa katika Bwana Yesu Kristo karibu tujifunze pamoja neno hili lililo la msingi katika maisha yetu ya kila siku.

Ni mimi Ev. Zachary John Bequeker – Mwanza Tanzania +255 625 966 236 / +255 758 590 489. Email: zacharybequeker@gmail.com

ð  Tusiwe watu wa kujisifia mambo mazuri tuliyofanya huko nyuma. Sisemi kwamba kujisifia mambo mazuri tuliyoyafanya huko nyuma ni vibaya; la! Jambo kuu la msingi ni kujihoji kwamba “je, nilivyo sasa ni sawa na nilivyokuwa zamani?” Ukiona kuna tofauti, jibu limekuwa sasa nimebadilika(nimelegea) basi hakuna haja ya kujisifia.

ð  Kama tulikuwa waombaji,wahubiri, watoaji, wenye bidii katika kutenda mema na sasa tumeacha hayo, Basi hakuna haja ya kujisifia.

ð  Tusiangalie jinsi tulivyoanza bali tuangalie namna gani tutakavyomalizia kwani Mungu huangalia umaliziaji na si uanzaji.

ð  Kama tulianza vizuri na kumaliza vibaya sisi hatutakuwa wa thamani mbele za Mungu EZEKIELI 18:24 “Bali mwenye haki atakapoghairi, na kuiacha haki yake na kutenda uovu, na kufanya machukizo yote kama yale afanyayo mtu mwovu …….katika matendo yake yote ya haki aliyoyatenda halitakumbukwa hata mojawapo……”

ð  Maisha ya wokovu ni maisha ya mashindano kama RIADHA. Katika RIADHA Mshindi hapatikani mwanzono bali mwishoni.

ð  Mkewe Lutu aliokolewa kutoka Sodoma, akiwa njiani aliikumbuka Sodoma tena  mara akageuka nyuma akawa nguzo ya chumvi. Mkewe Lutu alianza vizuri ila umaliziaji ulikuwa mbovu kwani aliyakumbika yaliyonyuma(Sodoma) . Hivyo  TUSIWE KAMA MKEWE LUTU LUKA 17:32.

ð  Sauli kabla ya kuokoka na kuwa Paulo, kazi yake ilikuwa ni kulitesa kanisa la Mungu na alipata ujira kwa kazi hiyo. Lakini baada ya kuokoka alipokutana na magumu, mazito na majaribu hakutaka kuyakumbuka maisha yake ya raha kabla ya kuokoka. WAFILIPI 3:7-8.

TUNAPOYATAFAKARI YALE YALIYOPITA, HUTUPUNGUZIA KASI YA KUENDELEA MBELE. Kuyakumbuka yaliyopita kunasababisha kupungua kwa nguvu ya Mungu ndani yetu, Kwani tunapokumbuka mabaya tuliyotendewa hatutaweza kusamehe na kutenda meme kwa wengine bali tutabakia na kinyongo ndani yetu. Na kinyongo ni dhambi.

By:

Ev. Zachary John Bequeker – Mwanza Tanzania +255 625 966 236 / +255 758 590 489.

Email: zacharybequeker@gmail.com

Pakua App Ya Injili Halisi -Bofya Hapa

HII NI INJILI HALISI MINISTRY, KWA MAWASILIANO +255 621 261 295